Home
Anita Haex liedteksten en muziek
 
Ton Wolter LVK finalist 2011

LVK finalist 2011 "Ich weit van toête noch blaoze"

Tekst: Anita Haex
Muziek: Ronald Moonen
Uitvoerende: Ton Wolter
Arrangement/opname Marlstone
LVK finalist 2011


Refrein

Ich weit van toête noch blaoze
Mer blaos d’r flink op los
Noow laotj di-j noeëte mer kaome
Ich blaos mich total loss
De pof van vuuërig jaor mot oet di-j toêt
Want dan vleege de toeëne d’r weer vanzellef oet
Ich weit van toête noch blaoze
Mer blaos d’r flink op los

Mèt vastelaovundj keumptj daen aoje tuba oet de kast
Ich poets ‘m totte blinktj en pak det dink ‘s lekker vast
Dan blaos ich d’r ‘s op mer woeë blieftj noow di-j toeën
Ich dink d’r keumptj meziek oet mer ‘t kleenktj nog lang neet schoeën
Det haaj ich neet verwachtj
En és meschien waal té gemaekelik gedachtj

Refrein

Ich blaos inne kepèl en in de zate hermeni-j
Dao zét ich nog ‘s extra aan, ich bin vanne perti-j
En klink ‘t waal ‘s vâls, dan létj dao mer neet op
As ich begin te blaoze stieët de zaal zoeë oppe kop
Ich blaos drej daag ‘alaaf’
En as ‘t effe kan de stökke d’r vanaaf
En al blaos ich in ’t begin nog neet zoeë vlot
Mét vastelaovundj weit ich wi-j ich blaoze mot

Refrein 2x

 
Paultje LVK halve finalist 2011

Paultje LVK halve finalist 2011 "Allé Alaaf"

Tekst en muziek: Anita Haex-Scholtens
Arrangement/Opname: Ronald Moonen
Zanger: Paultje (Paul van Heugten)
Halve finalist LVK 2011

 

Koeplet

Ich heb d’r van gedruimdj haost elke nacht
Ich huuërdje al meziek as ich d’r mer aan dacht
Ut woor gewoeën té gek, té gek veur weurd
Mer kiek now us waat det d’r heej gebeurtj
Ich heb d’r ut hieële jaor aan motte deenke
Wi-j schoeën de vastelaovundj heej kan kleenke

Refrein

Allé alaaf, Limburg laot dich huuëre
Laot mer huuëre det ut vastelaovundj es
Allé alaaf, now gieët ut gebuuëre
Same make vae ein kwant orkes
Laot komme deej tromme, maak kabaal, laot knettere deej zaal
En bröl dit vastelaovusleedje met in mooders taal
Allé alaaf, Limburg laot dich huuëre
Laot mer huuëre det ut vastelaovundj es

Koeplet

Det vae os heej weer zeen det es té gek
Vae zeen os door ut jaor haer toch al neet zoeë dêk
Mer dit memênt det numtj os nemus aaf
Allé, laot det mer huuëre met alaaf
Want zegk ut now zelf, vae könne d’r neet songer
Dit kan allein mer heej en es ein wonger

Refrein 2x

 

 

Medalie vanne Preens

 

BEGAJE

Titel: Begaje

Jaor 2006 
Tekst: Anita Haex – Scholtens
Zânk: Ronald en Carien Moonen
Muziek: Ronald Moonen

Koeplet

Ich veul mich al un hâlf jaor zoeë leeg
En vraog mich al dage aaf wannieër det ich det kreeg
De dokter zieët: “Gae motj mer ônger 't mes”
Mer det doon ich neet want wejjae waat ‘t es

Refrein

Mét vastelaovundj gaon ich mich begaje
Ich begaaj mich aan de lach en aan de lôl
Miene accu weurdj weer opgelaje
Dae zitj dan vör de rest van ‘t jaor weer vôl

Koeplet

Ich veul ‘t en ich preuf ‘t oeëverâl
En vraog dich al dage: “Schat wannieër ésj boorebâl”
Ich dans mét dich de klok dan drejmaol roond
Jao ‘t water luiptj mich noow al in de moond

Refrein

Mét vastelaovundj gaon ich mich begaje
Ich begaaj mich aan de lach en aan de lôl
Miene accu weurdj weer opgelaje
Dae zitj dan vör de rest van ‘t jaor weer vôl

Refrein

 

DI-J SCHOON

Titel: Di-j schoon

2007
Zânk: Carien en Ronald Moonen
Tekst: Anita Haex-Scholtens
Meziek: Ronald Moonen
Arranzjement: Marlstone

Refrein:
Jao di-j schoon inne kast di-j wille dânse
En noow dânse di-j schoon met os doeër de stad
As di-j linkse met di-j rechtse staon te sjânse
Dânse vae nog e rondje leeve schat
Loupe ze haard van stapel, strikke vae ze vast
Met plezeer hale vae ze uut de kast
Jao di-j schoon inne kast di-j wille dânse
En noow dâns ich met dich en di-j schoon doeër de stad

Gésteraovundj kreeg de slaop os sjuust te pakke
Wi-j 't gerommel vör de derdje kieër begos
En de mood os inne schoon begos te zakke
Wi-j vae huuërdjen: maak dae veter noow 's los
Dus vae kieëke hieël vurzichtig inne kast
En dao stônge ze te dânse oppe tast

Refrein

Vastelaovundj zeen ze met gein paerd te haoje
Oppe bloeëte veut d'r in en dan op stap
En vae dînke: leeven hieër, och mins genaoje
Kaome vae vandaag nog êrgus beej d'n tap
Wannieër bliêve ze noow staon en zeen ze braaf
Van di-j schoon dao kaome vae neet mieër vanaaf

Refrein